Silvina B. Muñoz: «En Algareira cremos que cada elaboración debe transmitir emoción e deixar un recordo»

Algareira by Silvina B. Muñoz é unha das marcas que participou no Mercado de Produtores impulsado pola Deputación da Coruña da man da campaña «A paisaxe que sabe» no marco do Circuíto TUR 43 Galicia Calidade, durante a primeira proba no Real Club de Golf de La Coruña. O circuíto consolidouse nos últimos anos como unha iniciativa que une deporte, turismo e gastronomía para poñer en valor o talento e a calidade dos produtos galegos. O obradoiro artesán achegou a este espazo a súa proposta baseada na elaboración coidadosa, a innovación e o respecto pola tradición, ofrecendo ao público a oportunidade de coñecer de preto unha marca que aposta por unha alimentación auténtica e de calidade.

Algareira by Silvina B. Muñoz forma parte desta edición do Circuíto TUR 43 Galicia Calidade. Que representa para vós participar nun evento que reúne deporte, turismo e empresas comprometidas coa promoción dos produtos locais?

Para Algareira supón moito máis que participar nun evento. É a oportunidade de formar parte dun entorno onde a excelencia, o coidado polos detalles e a calidade son valores compartidos. Ilusiónanos representar a artesanía alimentaria galega e demostrar que un pequeno obradoiro pode ofrecer unha experiencia gastronómica á altura dos mellores escenarios.

Que aspectos do circuíto encaixan mellor coa filosofía da vosa marca?

Compartimos unha mesma forma de entender a calidade: autenticidade, compromiso co produto e unha atención exquisita ao cliente. En Algareira cremos que cada elaboración debe transmitir emoción e deixar un recordo, igual que unha boa experiencia nun club ou nun percorrido de golf.

Compartimos unha mesma forma de entender a calidade: autenticidade, compromiso co produto e unha atención exquisita ao cliente

O Circuíto TUR 43 Galicia Calidade percorre diferentes puntos de Galicia, Asturias e Portugal ao longo da tempada. Que valor ten para vós participar nunha iniciativa itinerante deste tipo?

Permítenos dar a coñecer o noso traballo a un público moi diverso e seguir posicionando a marca fóra do noso entorno habitual. Cada parada é unha oportunidade para crear novas relacións, xerar confianza e demostrar que a artesanía galega pode competir ao máis alto nivel.

Credes que o contacto directo co público axuda a transmitir mellor os valores da marca?

Sen dúbida. Nada substitúe unha conversa cara a cara nin a posibilidade de que alguén probe os nosos produtos mentres coñece a historia que hai detrás deles. Para nós, cada degustación é unha oportunidade para crear un vínculo e converter un primeiro encontro nunha relación duradeira.

O Mercado de Produtores é un escaparate excepcional para que as persoas descubran produtos elaborados con dedicación e proximidade

O selo Galicia Calidade é sinónimo de confianza e excelencia. Como inflúe formar parte deste ecosistema na proxección dunha empresa como Algareira?

Formar parte de Galicia Calidade supón unha gran responsabilidade e tamén un respaldo moi importante. Motívanos a seguir innovando, mantendo os estándares máis altos e demostrando que desde Galicia poden xurdir proxectos capaces de competir pola súa calidade, creatividade e servizo.

O Mercado de Produtores, organizado en colaboración coa Deputación da Coruña, é un dos espazos máis representativos do Circuíto TUR 43 Galicia Calidade. Que oportunidades ofrece este escaparate para dar visibilidade aos vosos produtos e conectar co público?

É un escaparate excepcional para que as persoas descubran produtos elaborados con dedicación e proximidade. Permítenos explicar quenes somos, compartir a nosa filosofía e achegar ao público unha proposta que combina tradición, innovación e opcións pensadas para distintos estilos de alimentación, incluíndo elaboracións sen glute. En Algareira cremos que a verdadeira calidade non só se saborea: tamén se lembra.

Considerades que colaborar con outras marcas galegas fortalece a imaxe do produto feito en Galicia?

Absolutamente. Cando as empresas colaboran en lugar de competir unicamente entre elas, a imaxe de Galicia sae reforzada. Cremos nunha gastronomía que suma talento, comparte valores e proxecta unha imaxe de calidade que beneficia a todos.